ছাত্ৰ দিৱসৰ কথাৰে:

 

- অসম চৰকাৰে ২০২৩ বর্ষৰ ৩১ মার্চৰ দিনটো ৰাজ্যখনত বড়ো জাতিৰ পিতৃপুৰুষখ্যাত উপেন্দ্ৰ নাথ ব্ৰক্ষ্মদেৱলৈ( ৩১ মার্চ, ১৯৫৭-১ মে’, ১৯৯০) শ্ৰদ্ধার্ঘ্য জনাই ৰাজ্যখনত ছাত্ৰ দিৱস আয়োজ কৰিছে৷ দিৱসৰ লগত সংগতি ৰাখি বহুকেইখন শৈক্ষিক আঁচনিও গ্ৰহণ কৰিছে৷

আহঁকচোন তেখেতৰ বিষয়ে কিছু কথা জানি লওঁ-

·        বড়ো সকলৰ ৰাজনৈতিক আৰু সামজিক উন্নতিৰ বাবে কাম কৰা বাবে তেখেতক বডোফা নামেৰেও জনা যায়৷ বডোফা শব্দটোৰ অসমীয়া অর্থ হৈছে বড়োসকলৰ পিতৃ৷

·        কোকৰাজগাৰ জিলাৰ দতমৰা বৰগাৰী গাওঁৱ জন্মা উপেন্দ্ৰনাথৰ ঘৰুৱা নাম আছিল থপেন৷ তেওঁৰ দেউতাকৰ নাম মংলাৰাম ব্ৰক্ষ্ম আৰু মাকৰ নাম লেফাস্ৰী ব্ৰক্ষ্ম৷

·        কটন কলেজৰ পৰা বি. এ. ছি পাছ কৰি তেওঁ পাছলৈ গোঁসাইনিচিনা’ৰ নেহেৰু ভ’কেছনেল হাইস্কুলত বিজ্ঞানৰ শিক্ষকৰূপে যোগ দিয়াৰ সমান্তৰালভাৱে কোকৰাঝাৰ কলেজত বি. এ পঢ়িবলৈ কয়৷ ১৯৮৬ চনত পুনৰ গুৱাহাটী বিশ্ববিদ্যালয়ৰ পৰা এম. এছ. চি পাছ কৰি পিছত আয়কৰ বিভাগৰ চাকৰিত যোগদান কৰে৷

·        কটনত পঢ়ি থাকোতেও তেওঁ সদৌ অসম ছাত্ৰ সন্থাৰ অসম আন্দোলনৰ ঢৌ দেখিছিল৷ কিন্তু আন্দোলনত বড়োসকলত উপেক্ষা কৰাত নিখিল বড়ো ছাত্ৰ সন্থাত যোগদান কৰে৷ তেওঁ বড়ো সকলক উদ্দেশ্যি কৈছিল “জীয়াই থকা আৰু জীয়াই থাকিবলৈ দিয়া’৷

·        পৃথক বড়ো ৰাজ্য দাবী আৰু আন্দোলনৰ নেতা ব্ৰক্ষ্মই ১৯৭৮-৭৯ চনৰ পৰাই সক্ৰিয় ৰাজনীতিত জড়িত৷ প্ৰথমে গোৱালপাৰা জিলা বড়ো ছাত্ৰ সন্থাৰ সভাপতি হৈ  ১৯৮৬ চনত তেখেত ‘সদৌ বড়ো ছাত্ৰ সন্থা’ৰ সভাপতি নির্বাচিত হৈছিল৷

·        অসমৰ সামগ্ৰিক ৰাজনৈতিক, অর্থনৈতিক আৰু সামজিক প্ৰেক্ষাপটত বড়োসকলৰ প্ৰতিনিধিৰ অভাৱ অনুভৱ কৰি তেওঁ ব্ৰক্ষ্মপুত্ৰৰ উত্তৰপাৰে ‘বড়োলেণ্ড’ গঠনৰ দাবী তুলি আন্দোলন গঢ়ি তুলিছিল৷ ১৯৮৭ চনত আৰম্ভ হোৱা আন্দোলনে ১৯৮৮-৮৯ চনত তীব্ৰ হৈ পৰিছিল৷

·        ১৯৮৯ চনত কেন্দ্ৰীয় চৰকাৰ, ৰাজ্য চৰকাৰ আৰু বড়ো ছাত্ৰ সন্থাৰ মাজত যি ত্ৰিপাক্ষিক আলোচনাৰ পৰিবেশ সৃষ্টি হৈছিল তাৰ মূলতে আছিল উপেন্দ্ৰ ব্ৰক্ষ্ম৷ সেই সময়ত তেওঁ র্ককট ৰোগৰ চিকিৎসা কৰাই আছিল যদিও আলোচনাত অংশ লৈছিল৷ বিটিচি ডেপুটি চিফৰূপে তেওঁক দায়িত্ব প্ৰদান কৰিছিল৷

·        ১৯৯০ চনত তেখেতৰ মৃত্যু হোৱাৰ ৭ দিনৰ পিছত বড়োসকলে ৮ মে’ত আনুষ্ঠানিকভাৱে বডোফা সন্মানেৰে সন্মানিত কৰে৷ মৃত্যু দিনটো বডোফা দিৱসৰূপে পালন কৰি আহিছে৷

·        তেওঁৰ জন্মদিনটো বড়োলেণ্ডত পূর্বৰে পৰা’ ছাত্ৰ-ছাত্ৰীৰ দিন’ (ফৰায়চা চান) ৰূপে পালন কৰি অহা হৈছিল৷ ২০২৩ বর্ষৰ পৰা ‘ছাত্ৰ দিৱস’ ৰূপে ৰাজ্যতে পালনৰ সিদ্ধান্ত লৈছে৷

·        কবৰ দিয়া স্থানত তেখেতৰ নামত এখন উদ্যান স্থাপন কৰাৰ লগতে ২১ ফুট ওখ প্ৰতিমূর্তি স্থাপন কৰা হৈছে৷

·        ২০০৩ চনৰ পৰা তেওঁৰ সোঁৱৰণত উপেন্দ্ৰনাথ ব্ৰক্ষ্ম মানৱতাৰ সৈনিক বঁটা প্ৰদান কৰি অহা হৈছে৷

·        তেখেতৰ নামত সর্বভাৰতীয় পর্যায়ৰ বডোফা উপেন্দ্ৰনাথ ব্ৰক্ষ্ম স্বর্ণকাপ ফুটবল প্ৰতিযোগিতাও বি টি আৰ ত অনুষ্ঠিত কৰা হয়৷